خمرة الدلكة الناشفة
خمرة الدلكة الناشفة!!! عندي دلكة نشفت قمت سحنتها ناعمة وختيت فيها مسك
وختيت ربع معلقة صغيرة قرنفل مسحون وربع معلقة صغيرة هبهان مسحون وبدرة
صندل وقلبتهم كويس قمت كبيت فلير دمور بس وغطيته لتاني يوم لما جيت فتحتها
لقيته رطبت شوية من النشاف الكانت فيه قمت جبت الحلة وكبيت زيت الصندل
وختيتو في النار وخليتو سخن شوية وختيت الدلكة وبديت اقلب واقلب لاغيت
مالونه بقى بني شديد مايل للسواد اها قمت طوالي نزلتها من النار وكبيت فلير
دمور وصندلية وعطر صندل وقلبتها كويس
وطبعا ريحة ماشاءالله تمام اها جبت القزازة وترترته فيها صندلية وجبت حتة
من الماكنتوش وبخرت القزازة كويس وكبيت الدلكة في القزازة وغطيته تلاتة يوم
حتى فتحتها اها طبعا لما فتحتها ريحة تمام قمت جبت الخام بتاع الضفرة
وكبيت فيها طبعا خام الضفرة ده جبتو معاي من السودان اشتريتو من حوش
الريحة.
والله لماتتريحي مابتعرفي روحك مدلكة ولامدخنة ولامريحة بخمرة يعني
تلاتة في واحد. والحمدلله طلعت رهيبة فظيعة خطيرة وان شاءالله تعجبكم!!!
