الناعمة والخشنة الفيها شحم وطريقة تنظيفها
كلآتي :
أولا تغسلي المصارين ببرة وتعصري الفيها كلو
ثانيا تقلبي المصارين بمفراكة ولا عود خشب
وبالنسبة للمصارين أم شحم لازم تنظفي الشحم
البرة أولا وبعد تقلبيها تدعكيها بالليمون والملح
لحدي ما تطلع منها المادة اللزجة بتاعتها .
المصارين الناعمة بتتضفر لكن الفيها شحم بخلوها
ساي ..
نجي للكرشة ومعدة الخروف والتي اسمها الدارجي
أم بالينا نسبة لأنها فيها طبقات كتيرة المهم طريقة
تنظيفها كالآتي :
تسخني موية في النار وتغسلي الكرشة أول شي
بالموية الباردة وتغطسيها في المغلية لمدة ثواني
عشان لو طولتي الغطيسة ما بتتحك ليك ، تطلعيها
وتحكي الطبقة الخشنة بالسكينة لحدي ما تنضف ،
وتنضفيها من جوة برضو لمن تبقي الكرشة بيضا وعلي
عادة بطبخو مع الكمونية لحمة البطن والعضام الكبيرة
بالذات عضمة العرقوب .
مرحلة طبخ الكمونية :
تجيبي المصارين القبيل ديلاك تشوحيهم في الموية
المغلية عشان تتماسك وتقدري تقطعيها وتعملي نفس
الشي للحمة البطن عشان لايوقة ما بتتقطع سريع وتقطعي
الكرشة . وتخلي الحاجات دي جاهزة عندك .
في الحلة تقطعي البصل وتحمرية شوية في الزيت وترمي
البهارات اليابسة زي القرفة والهبهان وكده .
تتشي البصلة بالطماطم والصلصة وبعدين لحمة الكمونية
القبيل ديك وتديها نص ملعقة صغيرة باكنج باودر عشان تنجض
سريع لكن اوعي من الملح لمن تنجض عشان امي قالت الملح
بعصي الكمونية ، اخر مرحلو باقي البهارات والتوم والملح وتخلي
النار هادية والحلة مكشوفة عشان تتسبك كويس .
وبالهنا والشفا .
الوصف من سودانية اصيلة
اسكتش مضحك لجمال حسن سعيد والكمونية
1 التعليقات:
mmmm 7agribha bokra w awreek shokran
إرسال تعليق
{ ما يلفظ من قول إلا لديه رقيب عتيد}