خايف عليها من الثرى غطاها(الشاعر الحميدي الشمري)
خايف عليها من الثرى غطاهـا
و إلا الحصى حافيه أخاف آذاهـا
أكرم عليها بالكفـن يـا مطـوع
بالبيت ضل فراشهـا وغطاهـا
أكرم عليه بالكفـن هـذي أمـي
و شهد عليها في ما عطت يمناها
هذي الضحى واليـل يتحرونهـا
هذي السماء و نجومـه تنعاهـا
هذي السوالـف مثلنـا تبكيهـا
والأرض تنشد عن أثر لخطاهـا
هذي الكبيرة كبر هـذي الدنيـا
هذي العظيمة جل مـن سواهـا
أبكي عليها مـو نهـار و ليلـه
و لا سنه تمشي وعـد قضاهـا
أبكي عليها كثـر مـا شالتنـي
و كثر الحنين إلي اختلط بغناهـا
و كثر الأسامي و كثر من سموها
و كثرالنجوم و كثر من يرعاهـا
أبكي عليها من القهر يـا دنيـا
مـن لـي أنـا عقـب فرقاهـا
من فتحت عينـي و لا خلتنـي
و شوفوا ولدها بالقبـر خلاهـا
هل التراب بوجهـا مـا قصـر
شفتوا ولدها كيف هـو جازاهـا
لو أنهـا مكانـي مـا سوتهـا
لـكـن أعـز عيالهـا سـواهـا
يا دود يا دود شفها ذابله جنبها
أنا ولدهـا و حاضـر وأفداهـا
قطعني هاك إلي تبي من جسمـي
بس الكريمـه لا تجـي بحذاهـا
و وصيك أمانه قل لها تعذرنـي
و تكفى تروح تحب لي ماطاهـا
أبيها تغفر لي مثـل مـا كانـت
كل خمله منهي بطيبهـا ترفاهـا
يالله عساهـا بالنعيـم الخـالـد
و عساها في جنة عدن سكناهـا
يا فضو هذا الكون يا هو خالـي
يا ضيق هذي الدنيا يا مقساهـا
يا مر طعـم فراقهـا يـا مـره
ماني مصـدق أرجـع ومالقاهـا
وشلون أجي غرفتها ما هي فيها
وش عذري لسبحتها ومصلاهـا
وش أقـول أنـا لدولابهـا وشنطتها
واذا سالني مشطها وحنها وعباتهـا
ومي زمزم ومصحفها
والمبخـرهورشـوشـهــا ودواهــــا
الكـل فـي غرفتهـا متفقدهـا
حتى الجدار متفطـر ويرجاهـا
الكـل يبكيهـا مهـو ناسيـهـا
يالله صبرني و شلـون أنساهـا
ياليتهـامـاراحـت وخلتـنـي
أو وسعت لـي بالقبـر وياهـا
0 التعليقات:
إرسال تعليق
{ ما يلفظ من قول إلا لديه رقيب عتيد}