بخور الكوليت بديلا للصندل

ده شكل حطب الكوليت (على احمرار كده)






بيته ليلة كاملة في موية دافية واضفت ليها قرنفل
وعطور سودانية بت السودان-فلير دامور-سوارباريس
نقطة سرتيه وشوية مسك






اليوم التاني فصلت الحطب من القرنفل عشان ما يغير ريحة البخور








نفس الموية المبلول بيها ختيتها في الصاج ومعاها شوية سكر زي كباية شاي

وتضيفي ليها الحطب وتقلبي لغاية ما السكر يدوب ويتشرب قبل ما الموية تتشرب
تضيفي تاني من العطور العندك








لما تحسي بالموية خلاص قربت تجف تضيفي الصندل المسحون
والضفرة المسحونة وشوية مسك


لما تطفي النار اضيفي باقي المسك المسحون


ده الشكل النهائي




تخلي يبرد وتختيه في برطمان زجاج وتضيفي ليه من عطورك الباريسية الجميلة

وفي نفس الماعون عملت بخور القرنفل عشان ما ارميه

ومعاه حطب صغار من الكوليت

واستفيد من باقي الريحة الفضلت في الصاج

وبرضو نفس الخطوات الفوق

وطلع حلو بس ما زي بخور الكوليت































  
نقلا من منتديات نسوان السودانية مع الشكر