ريفيو : ماسك الطين الهندي ❀ REVIEW: INDIAN HEALING CLAY
السلام عليكم ورحمة الله وبركاته
اليوم بتكلم عن ماسك الطين الهندي واحد من أشهر الماسكات بالعالم
تقييمه جداً عالي بامازون واي هيرب
أول شي تعريف بسيط بالمنتج :
ماسك الطين الهندي هو طين بنتونيت الكالسيوم معروف بقدرته على امتصاص السموم الأوساخ الزيوت والمواد الكيميائية الضاره والمتركمة على البشره
فيطهر البشرة وينظفها و يعلاج حب الشباب ومشاكل الحبوب ويخفف من اثارها
يشد البشرة ويقلل من الروؤس السوداء والمسامات الواسعة
المكونات :
١٠٠٪ طين بنتونيت الكالسيوم الطبيعي
رايي بالمنتج :
- فعلاً لاحظت نتائج فورية للمسامات صار اصغر واقل وضوح
- وجهي صار انظف وفيه لمعه صحية مدري كيف اوصفها بس البشره تصير تعكس النور بشكل جدا جميل وصحي
- يقلل من الدهون على البشرة وهذا مثالي للبشره الدهنية
- يعطي للبشره نعووومة ونضارة
النتيجة على المدى الطويل :
الرؤوس السوداء أقل بشكل ملحوظ ، نقطة مهمة : الماسك ماشالي الرؤوس السوداء بس لما انظف بشرتي واشيل الروؤس واستخدم الماسك بانتظام (مره وحده بالاسبوع)
الرؤوس السوداء ماترجع تطلع بسرعه وعددها يكون مره أقل لانه ينظف المسام فمايمدي ترجع الرؤوس السوداء
ملعقة طين + ملعقة خل تفاح طبيعي عضوي ( خل التفاح العادي حق السوبر ماركت ماانصح فيه ابداً )
ممكن تستخدمين مويه عادية او مويه ورد بدال الخل للبشره الجافه بس انا مااعجبني لان الطين ماينخلط زين مع المويه يتكتل :/
القوام يكون سلس (مو ثقيل ولا مويه خفيف) وزعيه على البشرة بفرشة أو أطراف أصابعك و ابعدي عن العين و الفم
اتركه 5-10 دقائق للبشرة الحساسة و15-20 دقيقة للبشرة العادية ، اثناء ماهو على وجهك بتحسين انه يقرص و يششد مره .
لأزالته : شوي تحتاج وقت فاغسلي وجهك بمويه دافية كذا مره لين يلين الطين ويصير إزالته أسهل
بعد الإزالة :
لاحظت ان وجهي صار أحمر بس صار عادي وطبيعي نص ساعة تقريباً ويروح الإحمرار
احب استخدم بعده زيت حبوب العنب عشان البشره تكون ناشفه شوي لانه شال كل الدهون اللي على الوجه
ملاحظة مهمة : الطين الهندي ( طين بنتونيت الكالسيوم ) يتفاعل مع المعادن ، الصحن والملعقة اللي تستخدمينهم لازم تكون بلاستيك او زجاج
( الماسك اثناء التفاعل عند خلط الطين مع خل التفاح )
التقييم : ٥/٥
انصح فيه منتج طبيعي واقتصادي كميته كبيره وسعره رخييص
والنتائج تظهر فورية وعلى المدى الطويل
مكان الشراء :
اون لاين من اي هيرب امازون أو فيتاكوست
منقوول من هنا
