خمرة التفاح
المقاديرتفاحه
قرنفل
صندليه
فلير
مويه ليمون
فنجان صندل مسحون
فنجان مسك مسحون
بخور شاف او شاف عادي
الطريقة
تقطع التفاحه حلقات مدورة وفى كل قطعه من حلقات التفاحه نشك قرنفله من غير مانجعل فيها تجويلف ونترك التفاح حتى يجف فى مكان يكون فيهو هواء وبعيد من الشمس يعنى ممكن فى راس الدولاب بعد ماتحسي انو التفاحه نشفت خلاص طلعى القرنفل وارميهو واسحنى التفاحه براها من غير قرنفل (لانه الفكره انه ريحة القرنفل تمسك فى التفاح وبالفتره دى بتكون مسكت خلاص ، بعد كده اعجنى البودرة بى موية الليمون والصقى العجينه على صحن بايركس او كورة طلس وتضعى السلك بين المبخر الصحن او الكوره التى بها العجنه السابقه وابدي بخري بالشاف بخور او اعواد عاديه لحدي ما يتغير اللون ويبقى بنى وتحسي بى انو العجنة بقت تتوقع كتير من الصحن بعد كده شيلى العجنه وختيها فى قزازه الخمرة وكبى عليها الفلير والصندليه والصندل المسحون و المسك المسحون وبخريها بدخان سجاره لتتعتق ريحته واقفلى الزجاجه شديد لمده لاتقل عن عشرة ايام او اسبوعين مع مراعاة رجها كل يوم او اتنين وبعد انتهاء العشرة ايام افتحيها وكبى ليها حبه صندليه نقط واقفليها ويتم رجها قبل كل استعمال.
0 التعليقات:
إرسال تعليق
{ ما يلفظ من قول إلا لديه رقيب عتيد}