الخميس، 26 يناير، 2012

حوش الريحة في امدرمان للعطور السودانية



سوق حوش الريحة في امدرمان موقعه مابين جامعة الاحفاد واستاد الهلال تحديد جنوب استاد الهلال  الجميع تقريبا في تلك المنطقة يعرفه جيدا خصوصا اصحاب الركشات تقودك اليه اعداد النساء الهائلة الداخلة والخارجة منه  تسبقهن رائحة الصندل والصندلية وعطورنا السودانية التي لاتخطئها الانف  
هو عبارة عن عدة محلات مرصوصة وامام كل منها تصطف كمية من  الترابيز مملوة بشتي انواع البخور والدلكة  الجاهزة والمعطرة ودلكة البنات بدون عطور والصندل المطحون وغيره
من اشهر المحلات هناك دكان اولاد حاج احمد ومحلات ابووضاح  ومحلات عزة  وغيرها 
في حوش الريحة تجد جميع انواع العطور الزيتية والسائلة والفرنسية وغيرها وكذلك  جميع انواع الدلكة السودانية والمخمريات  كمخمرية احلام  ونورا وغيرها وجميع ماركة الصندلية مثل العنود وكروان 
وحوش الريحة  تقصدها اغلب النساء خصوصا الاتي يعملن في مجال الريحة وعمل العطور السودانية وياخذن بكميات كبيرة 
لعمل البخور يمكنك ان تطلبي من البائع  خلطة البخور وسيقوم بخلط مجموعة من العطور الرائعة 





هنا تخلط مجموعة من العطور المركزة لعمل البخور






















زيوت عطرية مركزة مثل  اسكادا وقوتشي وغيرها



بخور جاهز
بخور مكسر اعواد شاف او صندل الردوم


دلكة جاهزة فقط تحتاج لتعطير
بخور مكسر صغير

بخور جاهز يحتاج فقط للتعطير
خمرة سودانية معتقة

بخور سوداني رائع للبيت







3 التعليقات:

غير معرف يقول...

عطوركم روعه بس عايزة اعرف عندكم خدمة توصيل للمنازلوياريت كمان ارقام هواتف للاستفسار

غير معرف يقول...

ماشاء ربناء يزيد ويبارك

غير معرف يقول...

والله ناس ابو وضاح ديل عندهم الرياح سمحه شديد اتمن اي زول يمشي يجرب ارياح ابو وضاح وكمان عندهم تركيبات تجنن والله العظيم

إرسال تعليق

{ ما يلفظ من قول إلا لديه رقيب عتيد}

حنين المهيرة © 2009. تعريب الـطالـب. Design by :Yanku Templates Sponsored by: Tutorial87 Commentcute