الأحد، 2 أكتوبر 2011

برنسيسة (جغوغة) بالصور=عطور الخُمـرة السودانية

 برنسيسة (جغوغة) بالصورعطور الخُمـرة السودانية


عطر خمرة سودانية رائع ممزوج بنكهة فرنسية للانيقات فقط 
و
انيقة ياسودانية
الوصفة منقولة حرفيا من منتدي نسوان والشكر  للغاليات محسية وحياة
وصفة خلطة البرنسيسة
سحنت المحلب شديد وعجنته بفلوردامور وصندلية
وكفيته بالصندل




صحن الكفي قالوا مفروض يكون استيل او نيكل او طلس

انا فضلت الطلس لانه صغير وبقدر اتحكم فيه وختيته فوق للمصفى
عشان العجنة ماتقع في النار لو وقعت تقع في المصفى







غطيتها كويس بتوب تقيل عشان الريحة تمسك كويس(الريحة ماسكة في التوب زمن)




ما كفيتها شديد لما لونها يبقى اسود خليتها نجضت و لونها بني فاتح





واضفت ليها العطور الباريسية دي




ختيتها في آخر الدولاب عشان يكون مكان مظلم قلت اسبوع

لكن ما قدرت اقاوم فتحتها بعد تلاتة ايام والله حاجة مبالغة

والما بتقدر تعمل الخطوات الفوق دي لو عندك عجنة محلب شيلي منها بملعقة من المحلب بس بدون العطور الفيها وضيفي ليها العطور الباريسية وصندلية لانها اصلا مكفية جاهزة والله دي كمان طلعت ابداع ما عادي العطور 
:: كوكو شانيل == سينما== تريزور== شوبارد (القلب)==هيبنوس سنس وما تنسي شوية مسك عشان يثبت العطور

5 التعليقات:

ghada يقول...

ابداااااااااااااع وتسلمي

مهيرة يقول...

الله يسلمك ياغالية

غير معرف يقول...

تسلمي ياغالية وأنا صراحة بطل عليك كتير جد موقعك تحفة

تطبيقات يقول...

ما احلى من الخلطات الطبيعية ورخيصة

غير معرف يقول...

تسلمي موقع تحفه

إرسال تعليق

{ ما يلفظ من قول إلا لديه رقيب عتيد}

حنين المهيرة © 2009. تعريب الـطالـب. Design by :Yanku Templates Sponsored by: Tutorial87 Commentcute