الثلاثاء، 8 مارس 2011

علاج تشققات وخشونة الكعبين

  علاج تشققات وخشونة الكعبين
السلام عليكم ورحمة الله وبركاته

طبعا مشكلة تشققات القدمين وخشونة الكعبين من المشكلات اللي بتضايق بنات كتير وبتبحث لها عن حلول طبية أو وصفات طبيعية نتيجة إن كعب القدم من مناطق الضغط بالجسم اللي بيتراكم فيها طبقات الجلد الميت وبالتالي خشونة.. والحصول على كعبين ناعمين من الحاجات اللي بتبحث عنها بنات كتير

ولأن علاجاتها سهلة بإذن الله

فهاكتبلكم العلاج ولو طبقتوه هاتحصلوا على قدمين ناعمتين بإذن الله

علاجات فعالة بإذن الله وبنفس الوقت أسعارها معقولة وبنفس الوقت مش هاتحتاجي تروحي لعيادات جلدية مع الأسعار الغالية جدا جدا بالعيادات الآن لأن مشكلة خشونة الكعبين بسيييطة جدا

نقاط مهمه لعلاج تشققات القدمين .. وللحفاظ على قدمين ناعمتين

= ممنوع السير حافية القدمين

لازم تلبسي جوارب أو تلبسي صندل بيتي

المهم ماتمشيش حافية خصوصا لو أرضية منزلك سيراميك أو رخام أو باركيه

= دايما حافظي على ترطيب قدميك

وخصوصا بعد الإستحمام أو الوضوء

يعني زيها زي ايديك بتحتاج لترطيب دائم

لعلاج تشققات القدمين وخشونة الكعبين

تشققات القدمين وخشونة الكعبين

الصورة دي مثلا

.

زي ماحنا شايفين الصورة دي فيها حاجتين

فيها تشققات وفيها خشونة وتراكم طبقات للجلد الميتة

العلاج:

يوضع فقط على الكعبين وعلى الأماكن اللي فيها جلد سميك وطبقات جلد ميت وتشققات

1-

عمل حمام بالماء الساخن للقدمين مره أسبوعيا لتليين طبقات الجلد الميت

مع دعك الكعب بحجر القدمين المتوفر عندك


ودي صور مختلفة لأنواع حجر القدم (( حجر الخفاف )) لازم يكون الحجر خشن





بعد ماتغسلي قدميك تنشفيهم كويس

ودا أحسن وقت تدهني في قدميك بكريم سواء كريم ترطيب أو كريم علاجي

2-


لعلاج تشققات الكعبين وخشونة الكعبين

الكريمات دي متوفرة بالصيدليات بمصر وبالسعودية

** Diprosalic ointment مرهم ديبروساليك


دا مرهم للكعبين فقط مرتين يوميا لمدة أسبوعين إلى 3 أسابيع مع لبس جوارب وانتي حاطه المرهم ولو أمكن ممكن تلبسي كيس بلاستيك لمدة ساعتين وانتي حاطه الكريم دا

بتلاحظي بالأول إن التشققات بتتقفل بعدين بتلاحظي إن طبقات الجلد الميت بتتقشر

لوحسيتي بإلتهاب وحكه وقفي الكريم يوم واستخدميه يوم اه ويوم لاء

بدائل مرهم ديبروساليك




بدائل أخرى الديبروساليك

ممكن نستبدل كريم الديبروساليك بخلطة كريم ثانية تقدري تعمليها بالصيدلية

((علبة فازلين كبيرة +بودرة ساليسيلك2% فقط)

تستخدميها مره أو مرتين باليوم على حسب الحاجة

دي هاتقشر الكعبين وهاتلاحظي ظهور قشور على الكعب

فهاتحطي كريم جليسوليد الأحمر كترطيب وتنعيم

** Carbamide cream كريم كارباميد
[IMG]http://www.*****.com/get-2-2011-*****_com_jm6m7duk.jpg[/IMG]

دا كريم للكعبين لنعومة الكعبين .. أول 3 أسابيع هاتدهنيه مره يوميا وبعد لما توقفي الديبروساليك تزودي في مرات استخدم الكارباميد إلى مرتين يوميا وبرضه تلبسي جوارب وانتي حاطه الكريم

ودا نفسه



دول للتنعيم ولإزالة القشور من الكعبين

=-=-=-=

بعد ماتحصلي على النتيجة اللي انتي عايزاها وهي قدمين ناعمتين وجلدهم ناعم ورقيق

لازم تحافظي على النتيجة دي

عن طريق ترطيب القدمين دايما بأي كريم ترتاحي فيه سواء بعد الإستحمام أو الوضوء وقبل النوم:

كريم فازلين للعناية بالقدمين

كريم جليسوليد

كريم كارباميد أو كريم كالميوريد

أو حتى فازلين العادي

وطبعا ماننساش ماتمشيش حافية أبدا


=-=-=

أما العظمة بجانب الساق





لو عليها طبقات جلد ميت كتير مع الإسمرار

دي تستخدمي كريم ديبروساليك عليها مرتين يوميا لمدة أسبوع كفايه جدا

وحطي فقط على الجزء البارز دا علشان الجلد الميت يتقشر

وبعدها كملي بكريم كارباميد أو كالميوريد للتنعيم

بس انتبهي لأنها من مناطق الضغط وانتي جالسه مثلا فهي عرضه للإسمرار دايما

يعني مع العلاج وبعد الإنتهاء من العلاج لازم تنتبهي لها وتحافظي على النتيجة اللي حصلتي عليها
 
نقلا عن عالم حواء

0 التعليقات:

إرسال تعليق

{ ما يلفظ من قول إلا لديه رقيب عتيد}

حنين المهيرة © 2009. تعريب الـطالـب. Design by :Yanku Templates Sponsored by: Tutorial87 Commentcute